Þá er Íþróttamóti Þyts lokið en það var með heldur óhefðbundnu sniði í ár þar sem norðan hvassviðri og úrhellis rigning setti strik í reikninginn á sunnudeginum þegar ríða átti úrslitin. Mótanefnd ákvað því að færa mótið inn í reiðhöllina frekar en að aflýsa því.

Ísólfur, James og Sonja kepptu á mótinu og gekk það prýðilega. Þau komust öll í úrslit. Ísólfur varð annar í fimmgangi og fimmti í gæðingaskeiði á Ræl frá Gauksmýri, annar í fjórgangi á Herði frá Hnausum og fjórði í tölti á Katrínu frá Vogsósum. James varð þriðji í fimmgangi á Flugari frá Barkarstöðum. Sonja varð þriðja til fimmta í fjórgangi á Kvarani frá Lækjamóti eftir að hafa unnið sig upp úr b-úrslitum og varð svo þriðja í slaktaumatölti á Degi frá Hjaltastaðahvammi.

Ansi lítið hefur verið um mótahald í sumar og því var þetta kærkomið til að hressa við menn og hesta.


Ísólfur og Ræll frá Gauksmýri                                                       James og Flugar frá Barkarstöðum


Sonja og Kvaran frá Lækjamóti 5 vetra                                               Ísólfur og Hörður frá Hnausum


Sonja og Dagur frá Hjaltastaðahvammi                                             Ísólfur og Katrín frá Vogsósum