Það var mikið spennufall sem átti sér stað föstudaginn 10.sept. sl. þegar James okkar lauk við inntökupróf á Hólum. Hann var ásamt fleirum að þreyta inntökupróf um að komast inn á 3.ár hestafræðideildar Háskólans á Hólum og stóðst það með glæsibrag! Til þess að komast í námið þarf að sýna tvo hesta, einn fjórgangshest og annan alhliða gæðing. Það getur verið þrautinni þyngra að finna hesta sem henta í verkefnið því kröfurnar eru miklar enda námið krefjandi en skemmtilegt. James mætir því í Janúar á Hóla með stóðhestana sína Vígtý frá Lækjamóti og Flugar frá Barkarstöðum og tekst á við spennandi verkefni.
Innilega til hamingju James með frábæran árangur.