Á laugardaginn fór fram opið íþróttamót Skugga í Borgarnesi. Ísólfur mætti þar til leiks með þrjá hesta þá Freymóð f. Feti, Kristófer f. Hjaltastaðahvammi og Ræl f. Gauksmýri. Allir komust þeir í úrslit í sínum greinum og náðu mjög ásættanlegum árangri á fyrsta útimóti sumarsins. Sérstaklega var gaman að sjá hve vel gekk með Kristófer f. Hjaltastaðahvammi sem sigraði fjórganginn í sinni fyrstu fjórgangskeppni utanhúss. Þar sem undirrituð var stödd á blakmóti í Vestmanneyjum þegar mótið fór fram fáum við þessar fínu myndir lánaðar hjá Iðunni Silju Svansdóttur.


Ísólfur og Kristófer f. Hjaltastaðahvammi

fjórgangur




Ísólfur og Freymóður f. Feti

tölt



Ísólfur og Ræll f. Gauksmýri

fimmgangur