Spennandi og skemmtilegt fjórgangsmót Húnvetnsku liðakeppninnar fór fram í gærkvöldi á Hvammstanga. Þrátt fyrir að veðrið tæki að versna um það leiti sem keppni hófst létu keppendur það ekki á sig fá. Auk keppenda í Húnavatnssýslum mættu keppendur alla leið frá Snæfellsnesi, Reykjavík og Skagafirði! Húnvetnska liðakeppnin hefur vakið mikla athygli undanfarið fyrir skemmtilega kynningarherferð en birst hafa áhugaverð myndbönd á vefmiðlum í tengslum við keppnina. Auk þess vakti sérstaka athygli að tvöfaldur sigurvegari Meistaradeildar Suðurlands, Artemisia Bertus, mætti til leiks í Húnvetnsku liðakeppninni.