Þessa dagana standa yfir kynbótasýningar og úrtökur fyrir landsmót og spennan eykst stöðugt. Í blíðaskaparveðri fór í dag fram yfirlitssýning kynbótahrossa á Vindheimamelum í Skagafirði. 

Stund milli stríða 

kynbótasýningar geta dregist á langinn og þá er eins gott að hafa nóg fyrir stafni  

Ísólfur sýndi þar fjórar hryssur sem allar hlut 1.verðlaun fyrir hæfileika og tvær þeirra unnu sér rétt á Landsmót. Önnur þeirra var gæðingurinn Návist frá Lækjamóti, ræktandi og eigandi Þórir Ísólfsson. Návist hlaut í aðaleinkunn 8,20, fyrir hæfileika 8,25 og byggingu 8,11. 

Hin hryssan er hin 5 vetra Stássa frá Naustum sem hlaut  8,09 í aðaleinkunn þar af 8,03 f. hæfileika og 8,18 f. byggingu.

Hinar hryssurnar sem sýndar voru fengu einnig góðan dóm. Hin glæsilega Orradóttir Framtíð frá Leysingjastöðum II hlaut í aðaleinkunn 8,22 þar af 8,11 fyrir hæfileika og 8,39 fyrir byggingu. 

Og 5 vetra gamla Bjarmadóttirin Hlökk frá Kolgerði hlaut 7,99 í aðaleinkunn, 8,01 fyrir hæfileika og 7,96 fyrir byggingu. 

Framtíð frá Leysingjastöðum II hlaut m.a 9,0 fyrir tölt

Hlökk frá Kolgerði er mikið rúm og viljug 

Á meðan þessu stóð tók James þátt í úrtöku fyrir landsmót hjá Herði í Mosfellsbæ. James fór í A-flokk með Flugar frá Barkarstöðum og urðu þeir í 3.sæti eftir forkeppni og því komnir með miða inn á landsmót fyrir Hörð. Glæsilegt hjá þeim félögum.