Úrtaka hestamannafélagsins Neista fór fram á Blönduósi í gær. Ísólfur keppti þar í B-flokk á Freyði frá Leysingjastöðum og stóð efstur eftir forkeppni með glæsilega einkunn eða 8,61 sem er eins og stendur 10. hæsta einkunn úr forkeppni yfir landið   Í A.flokki fór hann svo með Vökul frá Sæfelli og Snerpu frá Eyri og varð í 1.-og 2. sæti eftir forkeppni með þau og því einnig með þau inná mót. Það er því ljóst að alls fara 11 hross á Landsmót frá Lækjamótsfólkinu þar af 8 hjá Ísólfi. Er því mikil tilhlökkun farin að gera vart við sig fyrir komandi Landsmóti í Víðidal en auk keppninnar er eitt það skemmtilegasta við Landsmót að horfa á kynbótahrossin og hitta vini og kunningja.