Rauðhetta frá Skeppargarden sem hlaut 8,03 í aðaleinkunn þegar hún var sýnd í Svíþjóð um helgina. 

Síðasta kynbótasýningin í Svíþjóð var haldin á Sundbyholm um síðustu helgi. Á þessari kynbótasýningu sýndi Ísólfur þrár hryssur, Mærð frá Skeppargarden, Rauðhettu frá Skeppargarden og Ripa frá Kullen. Fyrir sýninguna hafði Ísólfur dvalið í rúmar tvær vikur á íslandshestabúgarði Lottu og Peters, í Skeppargarden, til að þjálfa og kenna.  Í stuttu máli gengu sýningarnar á þessum þremur hryssum mjög vel, þær fóru allar í 1.verðlaun og ein þeirra Mærð frá Skeppargarden varð 2.hæst dæmda 4.vetra hryssa sýningarinnar, hlaut 8,13 í aðaleinkunn. Sú sem stóð efst á sýningunni var Vigdís frá Sundsberg en hún er hæst dæmda 4.vetra hryssa ársins í heiminum.

Nú þegar kynbótasýningum er lokið í ár er áhugavert að taka saman niðurstöður á sýningunum. Niðurstaðan fyrir árið er mjög góð en Ísólfur sýndi í ár 15 sýningar í fullnaðardóm. Af þeim hlutu 8 sýningar 1.verðlaun í aðaleinkunn eða 53 % sýninga.  Af þessum 15 sýningum voru 7 í 1.verðlaun fyrir hæfileika. Okkur þykir að sjálfsögðu afar skemmtilegt að tvær af þessum hryssum sem hlutu 1. verðlaun í sumar séu frá Lækjamóti og gefur ástæðu til bjartsýni með framhaldið á ræktununni á Lækjamóti.