09.02.2010 15:15
Heimasíðan skilar árangri
Hjaltalín frá Lækjamóti fer til Þýskalands til nýrra eigenda þar, Marion og Sönke Müller.
Við viljum hvetja ykkur til að kíkja á sölusíðuna okkar. Vorum til dæmis að setja inn nýtt myndband af Jaðri.
Bestu kveðjur frá Lækjamóti
30.01.2010 20:19
Stóðhestar í þjálfun í útibúinu frá Lækjamóti á Hólum
Blysfari frá Fremra-Hálsi
Freyðir frá Leysingjastöðum
Kraftur frá Efri Þverá
Ræll frá Gauksmýri
Sindri frá Leysingjastöðum
Þengill frá Ragnheiðarstöðum
Hér fyrir neðan má sjá smá sýnishorn af nokkrum þeirra :)
Freyðir frá Leysingjastöðum M. Dekkja frá Leysingjastöðum F.Sær frá Bakkakoti
Sindri frá Leysingjastöðum M. Heiða frá Leysingjastöðum F. Stígandi frá Leysingjastöðum
Þengill frá Ragnheiðarstöðum M.Þyrla frá Ragnheiðarstöðum F. Orri frá Þúfu
Kraftur frá Efri - Þverá M. Drótt frá Kópavogi F. Kolfinnur frá Kjarnholtum I
Blysfari frá Fremra-Hálsi M. Frigg frá Fremra-Hálsi F. Arður frá Brautarholti
26.01.2010 20:25
Æft fyrir úrtöku meistardeildar KS
Á morgun verður úrtaka fyrir meistaradeild KS haldin í Svaðastaðahöllinni og skelltum við okkur því á Krókinn sl. sunnudagskvöld til að líta á æfingu hjá James og Steina en þeir eru meðal 13 keppenda sem berjast um 6 laus sæti. James ætlar að keppa á Vígtý frá Lækjamóti í fjórgangi og Úlfi frá Fjalli í fimmgangi. Steini mætir með Ögra frá Hólum í fjórgang og Kylju frá Hólum í fimmgang. Það var margt skoðað og spáð á æfingunni og verður spennandi að sjá hvernig þetta fer allt saman annað kvöld.
James og Úlfur frá Fjalli
Steini og Ögri frá Hólum
Yfirþjálfarar fylgdust vel með :)
23.01.2010 15:36
Kraftur í góðum gír
Í dag fengum við góða heimsókn en eigendur Krafts frá Efri Þverá, Jónína og Siggi komu að kíkja á kappann. Það var auðvitað notað tækifærið og smellt af enda Kraftur öflug fyrirsæta (og Ísólfur líka) :)
Jónína, Siggi og Ísólfur á spjalli
Kraftur í Þráarhöllinni
Síðan var aðeins farið út líka
flottur kappinn :)
17.01.2010 10:32
Hugað að útiganginum
Þetta er megatöffarinn hann Vikar undan Tjörva frá Sunnuhvoli og Von frá Stekkjarholti
Hjaltalín, brúnstjörnóttur undan Hófi frá Varmalæk og Rauðhettu frá Lækjamóti. Með honum er Monika undan Kiljan frá Steinnesi og Rödd frá Lækjamóti
Það er alltaf gaman að vera ræktandi þegar ungviðið bregður á leik og maður fyllist von og tilhlökkun um að sjá hvernig úr rætist.
Bestu kveðjur frá Lækjamóti.
10.01.2010 17:24
Vetrarstarfið í fullum gangi
Um helgina skelltum við fjölskyldan á Hólum okkur í heimsókn á Lækjamót og að sjálfsögðu urðum við að sjá stöðuna á tamningu og þjálfun hjá James og Þóri :)
Ísak og Guðmar fóru líka í reiðtúr á Ljúf gamla en hann fór með okkur aftur á Lækjamót og verður þar fyrir strákana í vetur til að þjálfa.
Með okkur norður á Hóla aftur kom svo stóðhesturinn Ræll frá Gauksmýri og verða settar myndir af honum ásamt þeim sem eru hjá okkur Ísólfi á Hólum í þjálfun von bráðar. En hér koma nokkrar myndir af hluta hrossana sem eru á járnum á Lækjamóti.
Guðmar hestshaus varð aðeins að hlaupa og láta taka mynd af sér
Ísólfur og Eik frá Grund, á 5. vetur, efnileg alhliða hryssa í eigu Lækjamótsbúsins
Ísólfur og Eik
Þórir og Vár, tölthryssa á 7. vetur í eigu Þóris
Jafet sem er efnilegur fjórgangari í eigu Þóris
Úlfur tók vel á því á skeiðinu hjá James og sést hér á fljúgandi skeiði :)
Úlfur á flottu brokki
James og Kolvör frá Syðra-Skörðugili
James og Lækur, foli sem við Ísólfur eigum
Ísólfur og Guðmar saman á Ljúf gamla
Ísak fór líka á bak á Ljúf - einbeittir félagarnir á leiðinni heim :)
30.12.2009 10:40
Hestamót á jólum
Yfir jólahátíðina er heldur rólegra yfir hesthúsinu. Við njótum þess, eins og hefð er á jólum, að vera sem mest með fjölskyldunni. Hrossin hafa fengið að njóta þess að vera mikið úti og velta sér í snjónum. Hugurinn dvelur þó gjarnan með hestamennskunni. Skemmtilegt hestamót var haldið á Lækjamóti á jóladag. Eftir mikinn undirbúning var lagt af stað frá nýja playmo hesthúsinu, hrossin sett á nýja hestabílinn og haldið á mót. Meðfylgjandi mynd er frá verðlaunaafhendingunni á jólamótinu.
Friðrik og Guðmar í skemmtilegum leik.
Hér er mynd af þeim fjölskyldumeðlimum sem staddir voru á Lækjamóti á jóladag.
James, nýtrúlofuðu Friðrik og Sonja, Vigdís, Ísólfur, Ísak Þórir, Guðmar, Þórir og Elín.
Gleðilegt nýtt ár.
23.12.2009 20:01
Heimsókn í útibúið
Freyðir frá Leysingjastöðum u. Sæ frá Bakkakoti og Dekkju frá Leysingjastöðum
f.2005 eig. Hreinn Magnússon
Truflun frá Bakka u. Þyt frá Neðra-Seli. F.2005 eig. Ísólfur og Vigdís
Ísak Þórir og Guðmar eru líka duglegir að þjálfa og fóru í reiðtúr á Ljúf gamla þótt frostið biti í kinnarnar. "Ljúfur lullar alltaf med miiig, hann er nefninlega svo gaaamall" tjáði Guðmar okkur, alveg með þetta á hreinu
Það er fleira spennandi í þjálfun hjá þeim Ísólfi og Vigdísi m.a Sindri frá Leysingjastöðum, Kraftur frá Efri-Þverá og ung og spennandi Orradóttir.
Látum þetta gott heita af fréttum frá útibúinu í bili.
Bestu kveðjur frá Lækjamóti
19.12.2009 20:21
Myndavélin með í hesthúsið
Veðrið hefur verið yndislegt undanfarið og því var kjörið að taka myndavélina með í hesthúsið og smella nokkrum myndum af tamningamanninum, honum James, á útreiðum. Aðrir fjölskyldumeðlimir földu sig fyrir myndavélinni í þetta skiptið og því fær hann að njóta sín í þessarri frétt. Þrátt fyrir að það sé bara desember eru flest hrossin sem eru á húsi á Lækjamóti komin vel af stað og horfir vel við þjálfun vetrarins.
Við lofum myndunum að tala sínu máli.
Vigtýr frá Lækjamóti u. Stíganda frá Leysingjastöðum Aþena frá Víðidalstungu II u. Illingi frá Tóftum
Önn frá Lækjamóti u. Veigari frá Lækjamóti Vár frá Lækjamóti u. Víkingi frá Voðmúlastöðum
Svo hér í lokin verður að koma ein týpisk af okkar yndæla tamningamanni. Það verður nú að gera hrossin símavön í nútíma samfélagi
Bestu kveðjur frá Lækjamóti
15.12.2009 17:33
Feðgar í Færeyjum
Nú nýliðna helgi fóru feðgarnir Ísólfur og Þórir til Færeyja. Reiðkennsla var meginmarkmið túrsins. Allt heppnaðist mjög vel og verða nú í framhaldinu regluleg námskeið þar. Tíminn var rúmur svo þeir náðu svolítið að skoða sig um og létu vel af landi og þjóð. Hestamennskan er á góðu róli í Færeyjum og er mikill metnaður áberandi í mannskapnum sem er bara af hinu góða. Hér koma nokkrar myndir úr ferðalaginu.
Merki Íslandshestafélagsins t.v og hesthúsahverfið t.h
Tekið yfir Þórshöfn t.v og fyndin færeyska t.h
Reiðhöllin t.v og Þórir með færeyskum hesti t.h
Bestu kveðjur frá Lækjamóti.
15.12.2009 17:10
Rekstur
Það er skemmtileg tilbreyting bæði fyrir menn og hesta að komast í rekstur. Það eykur þol, styrk og gleði í hrossunum. Í seinustu viku var farið í einn slíkan á Lækjamóti en reynt er að miða við að fara einu sinni í viku. Veðrið var dásamlegt og mikil hlaupagleði í hrossunum. Það er alltaf gaman að virða fyrir sér hreyfingar hrossanna og sýndu þau mörg hver á sér ansi skemmtilegar hliðar. Það er komið gott skrið á tamningar og húsið fullt á Lækjamóti. Margt efnilegt og spennandi vetur framundan.
Mikið fjör í rekstri 
Bestu kveðjur frá Lækjamóti
08.12.2009 18:54
Vel heppnuð sýnikennsla
ljósmynd: HGG
Í síðustu viku brunaði Ísólfur suður til Reykjavíkur til að halda sýnikennslu í Andvara. Um tíma var aðeins tvísýnt með hvort Ísólfur kæmist suður en mikið hvassviðri gekk yfir landið daginn áður og um morguninn en mikil hálka var á leiðinni. Svo fór þó að Ísólfur komst suður með þrjá hesta í kerrunni og mætti galvaskur í Andvara um kvöldið.
Sýnikennslan þótti heppnast mjög vel eins og sjá má á heimasíðu FT
http://tamningamenn.is
Ísólfur fór með þrjú hross með sér þau Truflun frá Bakka sem er 4 vetra hryssa undan Þyt frá Neðra-Seli, Aþenu frá Víðidalstungu II sem er 5 vetra undan Illing frá Tóftum og stóðhestinn Sindra frá Leysingjastöðum 7 vetra undan Stíganda frá Leysingjastöðum.
Það er alltaf nóg að gera hjá Lækjamótsfjölskyldunni hvar í heiminum sem hún er stödd því að á sama tíma og Ísólfur var með sýnikennslu hélt Sonja fyrirlestur fyrir Íslandshestafélag í Danmörku.
26.11.2009 10:39
Vetrardagskrá
Ísólfur hefur tekið þátt í Meistaradeild KS frá upphafi og kemur vonandi sterkur til leiks í ár. Úrtakan fyrir laus sæti verður 27. janúar.
Keppniskvöld verða eftirfarandi:
17. febr. 3. mars 17.mars og 7.apríl
Ísmótið á Svínavatni verður haldið 6. mars
Húnvetnska liðakeppnin er skemmtileg röð innanhússmóta í reiðhöllinni á Hvammstanga. Keppnin var haldin í fyrsta skipti í fyrravetur og heppnaðist stórvel þar sem mikil stemming myndaðist í Húnaþingi vestra og þátttakan var mikil. Keppt er í fjórum greinum, tölti, fjórgangi, fimmgangi og smala. Í fyrra vann okkar lið, lið Víðidals. Í ár verður ekkert gefið eftir og vonandi eigum við von á skemmtilegri keppni.
Liðin eru fjögur:
Lið 1 Hvammstangi og Miðfjörður
Lið 2 Línakradalur og Vatnsnes
Lið 3 Víðidalur og Fitjárdalur
Lið 4 Austur Húnavatnssýsla
Komin eru drög af dagsetningum fyrir liðakeppnina í vetur:
5. febrúar - fjórgangur (færist yfir á 4.febrúar ef þorrablótið verður 5.feb)
19. febrúar - smali
12. mars - fimmgangur
9. apríl - tölt
26.11.2009 08:27
Ísólfur með sýnikennslu í Andvara fimmtudaginn 3. des
Ísólfur Líndal, tamningamaður, reiðkennari við Hólaskóla og meðlimur í Lækjamótsfjölskyldunni verður með sýnikennslu á vegum FT og Andvara í reiðhöllinni á Kjóavöllum fimmtudaginn 3.desember nk.
Sýningin hefst kl 20 og er miðaverð 1500 kr, en skuldlausir félagar í Andvara og FT fá miðann á 1000 kr.
Ísólfur mun fjalla um nýjustu strauma og mikilvæg atriði í frumtamningu en einnig aðeins um framhaldið, frá gangsetningu og yfir í þjálfaðan hest. Þetta er samskonar sýnikennsla og fór fram á Hólum fyrir skemmstu þar sem Ísólfur þótti fara á kostum. Þetta er einstakt tækifæri fyrir hestamenn til að kynna sér nýjungar og hita upp fyrir vetrarþjálfunina.
Allir velkomnir, kaffiveitingar á staðnum.